#طبق_فطوم
 
الزربيان العدني😋
 
نقطع بصل بشكل شرايح نفس الكشري ونحمره لما يسود شويه..
 
في الضغاط نعمل شوية زيت من اللي قلينا فيه البصل ونقطع بسباس ( فلفل حار ) وطماطم ونحرك ونضيف بطاط مقشر ومش مقطع والدجاج أو اللحم – بعد غسله – ونحركهم شويه مع بعض ، نضيف علبة زبادي والبصل المحمر و٦ فصوص ثوم طحناهم بالخلاط مع شوية ماء ونحركهم مع بعض
 
ونضيف( ملح – كمون – حوايج – رشة هيل مطحون – كبزرة مجففة – رشة زنجبيل – ورشة قرفة ) ونسكب ماء لما يتغطى الدجاج والبطاط بشوية ونعمل قشرة بصل ونحط عليها فحم والع ونسكب عليه شوية زيت عشان يتبخر ونضغط لمدة عشرين دقيقة لو كان دجاج وساعة لو كان لحم..
 
على جنب نكون طبخنا رز أبيض ببهارات صحيحة مش ناضج تمامًا نص طبخة ، يعني نطبخة لما يغلي الماء ونطفيه
 
نصفية من الماء ونضيفه على الخليط بالضغاط لو كان الماء كثير ننقص منه ولو كان قليل نزيد نطبق الرز ونساوي سطحه ونضيف بالجنب زعفران مخفف بماء عشان يعطي لون للرز ونضغط عليه مرة ثانية مدة عشر دقائق وبالعافية
 

المواد ذات الصلةأكثر من مؤلف